Library policies Library hours Library catalogue More than 10,000 books in the database!
La ruelle mal assortie
ou entretiens amoureux d'une dame éloquente avec un cavalier
gascon plus beau de corps que d'esprit et qui a autant
d'ignorance comme elle a de sçavoir

written by "Marguerite, Queen, consort of Henry IV, King of France, 1553-1615"
...la raison que chacun aime son semblable; et pour vous sans tant subtiliser, la cause en est60 que vous estes tout corps, et n'auez point d'esprit; et ne sauriez iuger des vrayes voluptez en tant qu'elles prouiennent de l'ame par raison et science61, mais oy bien des fausses voluptez, parce qu'elles procedent des sens exterieurs, et encore en iugez vous bien mal le plus souuent, lors que vous vous laissez coifer toutes les laides qui se presentent. Le Cavalier Gascon. Aussi bray62 y ne suis coif que de bous. Vranie. Il parest du contraire en vos yeux pleins d'inquietude et d'impatience63, qui sont toujours en queste de nouuelle proye, et qui semblent aller chantans avec Ronsard, Qu'il n'y a rien si sot qu'vne vieille amiti64; mais ie suis encore plus sote de m'en soucier, comme si vous en valiez bien la peine, moy sous qui tout flechit, moy coutumiere de donner des loix qui bon me semble, moy qui n'obes qu' moy-mesme65. Vraiment ie l'aimerois de vous66, Monsieur l'ignorant, de me faire seruir de couuerture, vous que i'ay esleu de la poussiere et du limon de la terre: vous que i'ay fait naistre en vne nuit67 sot, niais, fascheux, melancolique, et bref, pour le dire en vn mot, le plus grossier68 Gascon qui soit iamais sorty de son pays: Auez vous point encore reconu que ce que i'en ai fait69 estoit pour me moquer de vous, et pour vous precipiter en mesme temps que vous auriez commenc d'esperer; Aprenez si vous ne le sauez que ie ne puis ny ne veux aimer vn sot et vn ignorant. Le Cavalier Gascon. Si bous poubiez pis, bous le diriez. Vranie. Ie suis comme les soldats de Philippe qui nommoient toutes choses par leur nom; tant que vous persisterez en vos folles amours70, vous n'aurez autre nom de moy que de sot, et tant que vous serez sans sauoir parler ie vous nommeray ignorant. Le Cavalier Gascon. Si y ne suis sabant patience. Vranie. Si croy-ie qu'en vostre age le temps et la peine pou...

This book you can borrow for use directly by visiting our library!